3. مستحاضہ کا بیان
مستحاضہ اس عورت کو کہتے ہیں کہ جس کا خون بعد ایام حیض کے بھی آیا کرے۔
عائشہ سے روایت ہے کہ فاطمہ بن ابی حبیش نے کہا یا رسول اللہ ﷺ میں پاک نہیں ہوتی ہوں تو کیا چھوڑ دوں نماز کو فرمایا آپ ﷺ نے یہ خون کسی رگ کا ہے اور حیض نہیں ہے تو جب حیض آئے تو چھوڑ دے نماز کو پھر جب مدت گزر جائے تو خون دھو کر نماز پڑھ لے۔
مستحاضہ اس عورت کو کہتے ہیں کہ جس کا خون بعد ایام حیض کے بھی آیا کرے۔
ام سلمہ (رض) سے روایت ہے کہ ایک عورت کا خون بہا کرتا تھا حضرت ﷺ کے وقت میں تو فتوی پوچھا اسی کے واسطے ام سلمہ نے حضرت ﷺ سے فرمایا آپ ﷺ نے کہ شمار کرے ان دنوں اور راتوں کا جن میں حیض آتا تھا قبل اس بیماری کے تو چھوڑ دے نماز کو اس قدر مدت میں ہر مہینے سے پس جب گز رجائے وہ مدت تو غسل کرے اور ایک کپڑا باندھ لے فرج پر پھر نماز پڑھے۔
مستحاضہ اس عورت کو کہتے ہیں کہ جس کا خون بعد ایام حیض کے بھی آیا کرے۔
زینب بن ابی سلمہ نے دیکھا زینب بنت جحش کو جو نکاح میں تھیں عبدالرحمن بن عوف کے ان کو استحاضہ تھا اور وہ غسل کر کے نماز پڑھتی تھیں۔
مستحاضہ اس عورت کو کہتے ہیں کہ جس کا خون بعد ایام حیض کے بھی آیا کرے۔
قعقاع بن حکیم اور زید بن اسلم نے سمی کو بھیجا سعید بن مسیب کے پاس کہ پوچھیں ان سے کیوں کر غسل کرے مستحاضہ کہا سعید نے غسل کرے ایک طہر سے دوسرے طہر تک اور وضو کرے ہر نماز کے لئے تو اگر خون بہت آئے تو ایک کپڑا باندھ لے اپنی فرج پر۔
مستحاضہ اس عورت کو کہتے ہیں کہ جس کا خون بعد ایام حیض کے بھی آیا کرے۔
عروہ بن زبیر سے روایت ہے کہا انہوں نے مستحاضہ پر ایک ہی غسل ہے پھر وضو کیا کرے ہر نماز کے لئے۔
بچے کے پیشاب کا بیان
حضرت ام المومنین عائشہ (رض) سے روایت ہے کہ رسول اللہ ﷺ کے پاس ایک لڑکا لائے سو اس نے پیشاب کردیا آپ ﷺ کے کپڑے پر پس منگوایا آپ ﷺ نے پانی تو ڈال دیا اس پر۔
بچے کے پیشاب کا بیان
ام قیس سے روایت ہے کہ وہ اپنے چھوٹے بچے کو جس نے نہ کھانا کھایا تھا لے آئے رسول اللہ ﷺ کے پاس تو بٹھا لیا آپ ﷺ نے اس بچے کو گود میں اپنی تو پیشاب کردیا اس نے آپ ﷺ کے کپڑے پر پس منگایا آپ ﷺ نے پانی اور ڈال دیا اس پر اور نہ دھویا کپڑے کو۔
کھڑے کھڑے پیشاب کرنے وغیرہ کا بیان
یحییٰ بن سعید انصاری سے روایت ہے کہ ایک اعرابی مسجد میں آیا اور ستر اپنا کھولا پیشاب کے لئے تو غل مچایا لوگوں نے اور بڑا پکارا تب فرمایا رسول اللہ ﷺ نے چھوڑ دو اس کو پس چھوڑ دیا لوگوں نے جب وہ پیشاب کرچکا تو حکم کیا آپ ﷺ نے ایک ڈول پانی کا ڈال دیا گیا اس جگہ پر۔
کھڑے کھڑے پیشاب کرنے وغیرہ کا بیان
عبداللہ بن دینار سے روایت ہے کہ میں نے دیکھا عبداللہ بن عمر کو کھڑے کھڑے پیشاب کرتے۔
مسواک کرنے کا بیان
عبیداللہ بن سباق سے روایت ہے کہ آنحضرت ﷺ نے کسی جمعہ کو فرمایا کہ یہ وہ دن ہے جس کو اللہ تعالیٰ نے عید کا دن کہا ہے تو غسل کرو اور جس کے پاس خوشبو ہو تو آج کے دن خوشبو لگانا نقصان نہیں ہے اور لازم کرلو تم مسواک کو۔
مسواک کرنے کا بیان
ابوہریرہ (رض) روایت ہے کہ رسول اللہ ﷺ نے فرمایا اگر مشکل نہ گزرتا میری امت پر تو واجب کردیتا میں مسواک ان پر۔
مسواک کرنے کا بیان
ابوہریرہ نے کہا اگر شاق نہ ہوتا حضرت ﷺ کی امت پر تو آپ ﷺ حکم کرتے ان کو مسواک کرنے کا ہر وضو کے ساتھ۔