1077. حضرت ام سلیم کی حدیثیں
حضرت ام سلیم کی حدیثیں
حضرت ام سلیم سے مروی ہے کہ نبی ﷺ نے فرمایا وہ مسلمان آدمی جس کے تین نابالغ بچے فوت ہوگئے ہوں اللہ ان بچوں کے ماں باپ کو اپنے فضل و کرم سے جنت میں داخلہ عطاء فرمائے گا۔
حضرت ام سلیم کی حدیثیں
حضرت ام سلیم سے مروی ہے کہ ایک مرتبہ میں نے نبی ﷺ سے پوچھا کہ اگر عورت بھی اسی طرح خواب دیکھے جیسے مرد دیکھتا ہے تو کیا حکم ہے ؟ نبی ﷺ نے فرمایا جو عورت ایسا خواب دیکھے اور اسے انزال ہوجائے تو اسے غسل کرنا چاہئے، ام المؤمنین حضرت ام سلمہ ہنسنے لگیں تو ام سلیم نے کہا کہ اللہ تعالیٰ حق بات سے نہیں شرماتا نبی ﷺ نے فرمایا تم میں سے جو عورت ایسا خواب دیکھے اسے غسل کرنا چاہئے۔
حضرت ام سلیم کی حدیثیں
حضرت ام سلیم سے مروی ہے کہ ایک مرتبہ نبی ﷺ ان کے یہاں تشریف لائے ان کے گھر میں ایک مشکیزہ لٹکا ہوا تھا، نبی ﷺ نے کھڑے کھڑے اس مشکیزے سے منہ لگا کر پانی پیا بعد میں میں نے اس مشکیزے کا منہ (جس سے نبی ﷺ نے منہ لگا کر پانی پیا تھا) کاٹ کر اپنے پاس رکھ لیا۔
حضرت ام سلیم کی حدیثیں
حضرت ام سلیم سے مروی ہے کہ ایک مرتبہ نبی ﷺ سفر پر تھے اور حدی خوان امہات المؤمنین کی سواریوں کو ہانک رہا تھا، اس نے جانوروں کو تیز سے ہانکنا شروع کردیا اس پر نبی ﷺ نے فرمایا انجشہ ! ان آبگینوں کو آہستہ لے کر چلو۔
حضرت ام سلیم کی حدیثیں
حضرت ام سلیم سے مروی ہے کہ نبی ﷺ ان کے گھر تشریف لا کر ان کے بستر پر سوجاتے تھے وہ وہاں نہیں ہوتی تھیں ایک دن نبی ﷺ حسب معمول آئے اور ان کے بستر پر سو گئے، وہ گھر آئیں تو دیکھا کہ نبی ﷺ پسنے میں بھیگے ہوئے ہیں وہ روئی سے اس پسینے کو اس میں جذب کرکے ایک شیشی میں نچوڑنے لگیں اور اپنی خوشبو میں شامل کرلیا۔ وہ کہتی ہیں کہ نبی ﷺ چٹائی پر نماز پڑھ لیا کرتے تھے۔
حضرت ام سلیم کی حدیثیں
حضرت ام سلیم سے مروی ہے کہ ایک مرتبہ انہوں نے نبی ﷺ سے پوچھا کہ اگر عورت بھی اسی طرح خواب دیکھے جیسے مرد دیکھتا ہے تو کیا حکم ہے ؟ نبی ﷺ نے فرمایا جو عورت ایسا خواب دیکھے اور اسے انزال ہوجائے تو اسے غسل کرنا چاہئے ام المؤمنین حضرت ام سلمہ نے فرمایا ام سلیم ! تمہارے ہاتھ خاک آلود ہوں تم نے تو نبی ﷺ کے سامنے ساری نزدیک اس کے متعلق ناواقف رہنے سے بہتر ہے، نبی ﷺ نے حضرت ام سلمہ (رض) سے فرمایا بلکہ تمہارے ہاتھ خاک آلود ہوں، ہاں ام سلیم ! اگر عورت ایسا خواب دیکھے تو اس پر غسل واجب ہوتا ہے، حضرت ام سلمہ نے عرض کیا یا رسول اللہ ! کیا عورت کا بھی پانی ہوتا ہے نبی ﷺ نے فرمایا پھر بچہ عورت کے مشابہ کیوں ہوتا ہے ؟ عورتیں مردوں کا جوڑا ہیں۔
حضرت ام سلیم کی حدیثیں
حضرت ام سلیم سے مروی ہے کہ نبی ﷺ چٹائی پر نماز پڑھ لیا کرتے تھے۔
حضرت ام سلیم کی حدیثیں
حضرت ام سلیم سے مروی ہے کہ ایک مرتبہ انہوں نے بارگاہ رسالت میں عرض کیا یا رسول اللہ ! انس آپ کا خادم ہے، اس کے لئے اللہ سے دعاء کر دیجئے نبی نے فرمایا اے اللہ ! اس کے مال و اولاد میں اضافہ فرما اور جو کچھ اس کو عطاء فرما رکھا ہے اس میں برکت عطاء فرما، حضرت انس کہتے ہیں کہ مجھے اپنی اولاد میں سے کسی نے بتایا ہے کہ اب تک میرے بیٹوں اور پوتوں میں سے سو سے زیا دہ افراد دفن ہوچکے ہیں۔
حضرت ام سلیم کی حدیثیں
عکرمہ کہتے ہیں کہ ایک مرتبہ زید بن ثاقب اور حضرت ابن عباس کے درمیان اس عورت کے حوالے سے اختلاف رائے ہوگیا جو دس ذی الحجہ کو طواف زیارت کرلے اور اس کے فوراً بعد ہی اسے " ایام " شروع ہوجائیں، حضرت زید کی رائے یہ تھی کہ جب تک وہ طواف وداع نہ کرلے واپس نہیں جاسکتی اور حضرت ابن عباس کی رائے یہ تھی کہ اگر وہ دس دی الحجہ کو طواف کرچکی ہے اور اپنے خاوند کے لئے حلال ہوچکی ہے تو وہ اگر چاہے تو واپس جاسکتی ہے اور انتظار نہ کرے، انصار کہنے لگے اے ابن عباس ! اگر آپ کسی مسئلے میں زید سے اختلاف کریں گے تو ہم اس میں آپ کی پر وی نہیں کریں گے، حضرت ابن عباس نے فرمایا اس کے متعلق حضرت ام سلیم سے پوچھ لو، چناچہ انہوں نے حضرت ام سلیم سے پوچھا تو انہوں نے بتایا کہ حضرت صفیہ بنت حیی کے ساتھ یہ معاملہ پیش آیا تھا جس پر حضرت عائشہ نے فرمایا افسوس ! تم ہمیں روکو گی، نبی سے اس بات کا ذکر ہوا تو نبی نے انہیں کوچ کا حکم دیا اور خود حضرت ام سلیم نے اپنے متعلق بتایا کہ انہیں بھی یہی کیفیت پیش آگئی تھی اور نبی نے انہیں بھی کوچ کا حکم دے دیا تھا۔
حضرت ام سلیم کی حدیثیں
حضرت ام سلیم سے مروی ہے کہ ایک مرتبہ نبی ان کے یہاں تشریف لائے، ان کے گھر میں ایک مشکیزہ لٹکا ہوا تھا، نبی نے کھڑے کھڑے اس مشکیزے سے منہ لگا کر پانی پیا، بعد میں میں نے اس مشکیزے کا منہ (جس سے نبی نے منہ لگا کر پانی پیا تھا) کاٹ کر اپنے پاس رکھ لیا۔
حضرت ام سلیم کی حدیثیں
حضرت ام سلیم سے مروی ہے کہ نبی نے فرمایا وہ مسلمان آدمی جس کے تین نابالغ بچے فوت ہوگئے ہوں، اللہ ان بچوں کے ماں باپ کو اپنے فضل و کرم سے جنت میں داخلہ عطاء فرمائے گا، کسی نے پوچھا یا رسول اللہ ! اگر دو ہوں تو ؟ فرمایا دو ہوں تب بھی یہی حکم ہے۔
حضرت ام سلیم کی حدیثیں
حضرت ام سلیم سے مروی ہے کہ ایک مرتبہ نبی ان کے یہاں تشریف لائے، ان کے گھر میں ایک مشکیزہ لٹکا ہوا تھا، نبی نے کھڑے کھڑے اس مشکیزے سے منہ لگا کر پانی پیا، بعد میں میں نے اس مشکیزے کا منہ (جس سے نبی نے منہ لگا کر پانی پیا تھا) کاٹ کر اپنے پاس رکھ لیا۔
حضرت ام سلیم کی حدیثیں
عکرمہ کہتے ہیں کہ ایک مرتبہ زید بن ثاقب اور حضرت ابن عباس کے درمیان اس عورت کے حوالے سے اختلاف رائے ہوگیا جو دس ذی الحجہ کو طواف زیارت کرلے اور اس کے فوراً بعد ہی اسے " ایام " شروع ہوجائیں، حضرت ابن عباس نے فرمایا اس کے متعلق حضرت ام سلیم سے پوچھ لو چناچہ انہوں نے حضرت ام سلیم سے پوچھا تو انہوں نے بتایا کہ ہاں نبی نے ہمیں یہی حکم دیا تھا عکرمہ کہتے ہیں کہ ایک مرتبہ زید بن ثاقب اور حضرت ابن عباس کے درمیان اس عورت کے حوالے سے اختلاف رائے ہوگیا جو دس ذی الحجہ کو طواف زیارت کرلے اور اس کے فوراً بعد ہی اسے " ایام " شروع ہوجائیں، حضرت زید کی رائے یہ تھی کہ جب تک وہ طواف ِ وداع نہ کرلے واپس نہیں جاسکتی اور حضرت ابن عباس کی رائے یہ تھی کہ اگر وہ دس دی الحجہ کو طواف کرچکی ہے اور اپنے خاوند کے لئے حلال ہوچکی ہے تو وہ اگر چاہے تو واپس جاسکتی ہے اور انتظار نہ کرے، انصار کہنے لگے اے ابن عباس ! اگر آپ کسی مسئلے میں زید سے اختلاف کریں گے تو ہم اس میں آپ کی پر وی نہیں کریں گے، حضرت ابن عباس نے فرمایا اس کے متعلق حضرت ام سلیم سے پوچھ لو، چناچہ انہوں نے حضرت ام سلیم سے پوچھا تو انہوں نے بتایا کہ حضرت صفیہ بنت حیی کے ساتھ یہ معاملہ پیش آیا تھا جس پر حضرت عائشہ نے فرمایا افسوس ! تم ہمیں روکو گی، نبی سے اس بات کا ذکر ہوا تو نبی نے انہیں کوچ کا حکم دیا۔