1110. حضرت معاویہ بن حدیج کی حدیثیں
حضرت معاویہ بن حدیج کی حدیثیں
حضرت معاویہ بن حدیج سے مروی ہے کہ نبی ﷺ نے کوئی نماز پڑھائی ابھی ایک رکعت باقی تھی کہ سلام پھیر دیا اور واپس چلے گئے، ایک آدمی نبی ﷺ کے پاس پہنچا اور کہنے لگا کہ آپ نماز کی ایک رکعت بھول گئے ہیں چناچہ نبی ﷺ واپس آئے، مسجد میں داخل ہوئے اور بلال کو حکم دیا، انہوں نے اقامت کہی اور نبی ﷺ نے لوگوں کو وہ ایک رکعت پڑھا دی، میں نے لوگوں کو یہ بات بتائی تو انہوں نے مجھ سے پو چھا کیا تم اس آدمی کو پہچانتے ہو ؟ میں نے کہا کہ نہیں، البتہ دیکھ کر پہچان سکتا ہوں، اسی دوران وہ آدمی میرے پاس سے گذرا تو میں نے کہا کہ یہ وہی ہے لوگوں نے بتایا کہ یہ طلحہ بن عبیداللہ ہے۔
حضرت معاویہ بن حدیج کی حدیثیں
حضرت معاویہ سے مروی ہے کہ میں نے نبی ﷺ کو یہ فرماتے ہوئے سنا ہے کہ اللہ کے راستے میں ایک صبح یا ایک شام کا نکلنا دنیا ومافیھا سے بہتر ہے۔
حضرت معاویہ بن حدیج کی حدیثیں
حضرت معاویہ سے مروی ہے کہ نبی ﷺ نے ارشاد فرمایا اگر کسی چیز میں شفاء ہوتی تو وہ سینگی کے آلہ میں یا شہد کے گھونٹ میں یا آگ سے داغنے میں ہوتی جو تکلیف کی جگہ پر ہو، لیکن میں آگ سے داغنے کو پسند نہیں کرتا۔
حضرت معاویہ بن حدیج کی حدیثیں
حضرت معاویہ سے مروی ہے کہ ایک مرتبہ ہم لوگ دوپہر کے وقت حضرت صد یق اکبر کی خدمت میں حاضر ہوئے، ابھی ہم وہاں پہنچے ہی تھے کہ منبر پر رونق افروز ہوگئے۔
حضرت معاویہ بن حدیج کی حدیثیں
حضرت معاویہ جنہیں شرفِ صحابیت حاصل ہے سے مروی ہے کہ جو شخص کسی مرد کو غسل دے، کفن پہنائے، اس کے ساتھ جائے اور تدفین تک شریک رہے تو وہ شخص بخشا بخشایا واپس لو ٹے گا (یہ حدیث مر فوع نہیں ہے )