277. حضرت قرہ مزنی کی روایات۔
حضرت قرہ مزنی کی روایات۔
حضرت معاویہ بن قرہ وہ اپنے والد سے نقل کرتے ہیں میں قبیلہ مزینہ کے ایک گروہ کے ساتھ نبی ﷺ کی خدمت میں حاضر ہوا ہم نے نبی ﷺ سے بیعت کی اس وقت آپ کی قمیص کے بٹن کھلے ہوئے تھے چناچہ بیعت کے بعد میں نے نبی ﷺ کی اجازت سے آپ کی قمیص مبارک میں ہاتھ ڈال کر مہر نبوت کو چھو کر دیکھا راوی حدیث عروہ کہتے ہیں کہ میں نے سردی گرمی جب بھی معاویہ اور ان کے بیٹے کو دیکھا ان کی قمیص کے بٹن کھلے ہوئے ہی دیکھے وہ اس میں کبھی بٹن نہ لگاتے تھے۔
حضرت قرہ مزنی کی روایات۔
حضرت قرہ سے مروی ہے کہ ہم نے نبی ﷺ کے ساتھ ایک وقت ایسا بھی گذارا بھی ہے کہ ہمارے پاس کھانے کے لئے اسودین کے علاوہ کچھ نہ ہوتا تھا پھر فرمایا کیا تم جانتے ہو کہ اسودین سے کیا مراد ہے میں نے کہا نہیں فرمایا کھجور اور پانی۔
حضرت قرہ مزنی کی روایات۔
حضرت قرہ سے مروی ہے کہ وہ نبی ﷺ کے پاس آئے اور وہ دودھ دوہ رہے تھے اس کے بعد انہوں نے اس کا تھن باندھ دیا۔ معاویہ بن قرہ کہتے ہیں کہ میرے والد صاحب نبی ﷺ کے حوالے سے یہ حدیث بیان کرتے تھے کہ مجھے معلوم نہیں کہ انہوں نے خود سماع کیا ہے یا کسی نے ان سے بیان کی ہے۔
حضرت قرہ مزنی کی روایات۔
حضرت قرہ مزنی سے مروی ہے کہ نبی ﷺ نے ان دو گندے درختوں پیاز اور لہسن سے منع کرتے ہوئے فرمایا ہے کہ جو انہیں کھائے وہ ہماری مسجد کے قریب بھی نہ آئے اگر تمہارا اسے کھائے بغیر گذارہ نہیں ہوتا تو پکا کر ان کی بو مار لیا کرے۔
حضرت قرہ مزنی کی روایات۔
ابوایاس اپنے والد سے روایت کرتے ہیں انہوں نے نبی ﷺ کو پایا نبی ﷺ نے ان کے حق میں دعابخشش فرمائی اور ان کے سر پر ہاتھ پھیرا .
حضرت قرہ مزنی کی روایات۔
معاویہ بن قرہ سے مروی ہے کہ اپنے والد کے حوالے سے کہ نبی ﷺ نے ہر مہینے تین روزے رکھنے کے متعلق فرمایا کہ یہ روزانہ رکھنے اور کھولنے کے مترادف ہے۔
حضرت قرہ مزنی کی روایات۔
ابوایاس اپنے والد سے روایت کرتے ہیں میرے والد بچپن میں نبی ﷺ کی خدمت میں حاضر ہوئے نبی ﷺ نے ان کے حق میں دعابخشش فرمائی اور ان کے سر پر ہاتھ پھیرا شعبہ کہتے ہیں کہ ہم نے ان سے پوچھا کہ کہ انہیں شرف صحبت بھی حاصل ہے انہوں نے فرمایا نہیں البتہ نبی ﷺ کے زمانے میں وہ دودھ دوہ لیتے تھے اور جانور کا تھن باندھ لیتے تھے۔