457. حضرت ابوجہیم بن حارث بن صمہ (رض) کی حدیثیں
حضرت ابوجہیم بن حارث بن صمہ (رض) کی حدیثیں
عمیر جو حضرت ابن عباس (رض) کے آزاد کردہ غلام ہیں کہتے ہیں کہ میں اور عبداللہ بن یسار جو حضرت میمونہ (رض) کے آزاد کردہ غلام تھے حضرت ابو جہیم بن حارث (رض) کے پاس آئے تو وہ کہنے لگے کہ ایک مرتبہ نبی ﷺ بیر جمل کی طرف سے آ رہے تھے کہ راستے میں ایک آدمی سے ملاقات ہوگئی، اس نے سلام کیا لیکن نبی ﷺ نے جواب نہیں دیا، بلکہ ایک دیوار کی طرف متوجہ ہوئے اور چہرے اور ہاتھوں پر اس سے تیمم کیا اور پھر اسے سلام کا جواب دیا۔
حضرت ابوجہیم بن حارث بن صمہ (رض) کی حدیثیں
حضرت ابو جہیم (رض) سے مروی ہے کہ ایک مرتبہ قرآن کریم کی ایک آیت کے حوالے سے دو آدمیوں کے درمیان اختلاف ہوگیا، ایک کی رائے یہ تھی کہ میں نے نبی ﷺ سے اسی طرح پڑھا ہے اور دوسرے کا بھی یہی کہنا تھا کہ میں نے اسے نبی ﷺ سے اسی طرح حاصل کیا ہے، بالآخر انہوں نے نبی ﷺ سے اسی طرح پڑھا ہے اور دوسرے کا بھی یہی کہنا تھا کہ میں نے اسے نبی ﷺ سے اسی طرح حاصل کیا ہے، بالآخر انہوں نے نبی ﷺ سے پوچھا تو نبی ﷺ نے فرمایا قرآن کریم کو سات حرفوں پر پڑھا جاسکتا ہے اس لئے تم قرآن کریم میں مت جھگڑا کرو کیونکہ قرآن میں جھگڑنا کفر ہے۔