897. حضرت محمد بن عبداللہ بن جحش (رض) کی حدیثیں

【1】

حضرت محمد بن عبداللہ بن جحش (رض) کی حدیثیں

حضرت محمد بن عبداللہ بن جحش (رض) کہتے ہیں کہ ایک مرتبہ ہم لوگ صحن مسجد میں اس جگہ بیٹھے ہوئے تھے جہاں جنازے رکھے جاتے تھے ہمارے درمیان نبی کریم ﷺ بھی تشریف فرما تھے، اسی دوران نبی کریم ﷺ نے آسمان کی طرف نگاہیں اٹھا کر دیکھا پھر اپنی نظریں جھکا لیں اور اپنا ہاتھ اپنی پیشانی پر رکھ کردو مرتبہ سبحان اللہ کہا اور فرمایا کتنی بات اتری ہے ؟ ہم ایک دن رات خاموش رہے لیکن ہمیں خیر کے علاوہ کچھ دکھائی نہ دیا اگلے دن میں نے نبی کریم ﷺ سے پوچھا کہ وہ سخت بات کیا ہے جو اتری ہے ؟ نبی کریم ﷺ نے فرمایا اس کا تعلق قرض سے ہے اس ذات کی قسم جس کے دست قدرت میں محمد ﷺ کی جان ہے اگر کوئی آدمی اللہ کے راستے میں شہید ہوجائے پھر اسے زندگی ملے اور وہ دوبارہ شہید ہوجائے پھر زندگی ملے اور وہ شہید ہوجائے اور پھر زندگی مل جائے اور اس پر قرض ہو تو اس کی ادائیگی تک وہ جنت میں داخل نہ ہوگا۔

【2】

حضرت محمد بن عبداللہ بن جحش (رض) کی حدیثیں

محمد بن جحش (رض) سے مروی ہے کہ ایک مرتبہ نبی کریم ﷺ حضرت معمر (رض) کے پاس سے گذرے جو صحن مسجد میں دونوں ٹانگیں کھڑی کر کے اس طرح بیٹھے ہوئے تھے کہ ان کی ران کی ایک جانب سے کپڑا ہٹ گیا تھا، نبی کریم ﷺ نے ان سے فرمایا اے معمر ! اپنی ران کو ڈھانپو کیونکہ ران شرمگاہ ہے۔

【3】

حضرت محمد بن عبداللہ بن جحش (رض) کی حدیثیں

محمد بن جحش (رض) سے مروی ہے کہ ایک مرتبہ نبی کریم ﷺ حضرت معمر (رض) کے پاس سے گذرے جو صحن مسجد میں دونوں ٹانگیں کھڑی کر کے اس طرح بیٹھے ہوئے تھے کہ ان کی ران کی ایک جانب سے کپڑا ہٹ گیا تھا، نبی کریم ﷺ نے ان سے فرمایا اے معمر ! اپنی ران کو ڈھانپو کیونکہ ران شرمگاہ ہے۔