18. ضورِ اقدس (صلی اللہ علیہ وآلہ وسلم) کی لنگی کا ذکر
ضورِ اقدس ﷺ کی لنگی کا ذکر
ابوبردہ کہتے ہیں کہ حضرت عائشہ (رض) نے ہمیں ایک پیوند لگی ہوئی چادر اور ایک موٹی لنگی دکھائی اور یہ فرمایا کہ آنحضرت ﷺ کا وصال ان دو کپڑوں میں ہوا تھا۔
ضورِ اقدس ﷺ کی لنگی کا ذکر
عبید بن خالد (رض) کہتے ہیں، کہ میں مدینہ منورہ میں ایک مرتبہ جا رہا تھا کہ میں نے ایک شخص کو اپنے پیچھے سے یہ کہتے سنا کہ لنگی اوپر اٹھاؤ کہ اس سے (نجاست ظاہری اور باطنی تکبر وغیر سے) نظافت بھی زیادہ حاصل رہتی اور کپڑا زمین پر گھسٹ کر خراب اور میلا ہونے سے محفوظ رہتا ہے میں نے کہنے والے کی طرف متوجہ ہو کر دیکھا تو آپ حضور اقدس ﷺ تھے۔ میں نے عرض کیا کہ حضور ﷺ یہ ایک معمولی سی چادر ہے (اس میں کیا تکبر ہوسکتا ہے اور کیا اس کی حفاظت کی ضرورت ہے) حضور اقدس ﷺ نے فرمایا کہ اگر کوئی مصلحت تیرے نزدیک نہیں تو کم از کم میرا اتباع تو کہیں گیا ہی نہیں میں نے حضور اقدس ﷺ کے ارشاد پر حضور اقدس ﷺ کی لنگی کو دیکھا تو نصف ساق تک تھی۔
ضورِ اقدس ﷺ کی لنگی کا ذکر
سلمہ بن اکوع (رض) کہتے ہیں، کہ حضرت عثمان (رض) لنگی نصف ساق تک رکھتے تھے اور فرماتے تھے کہ یہی ہیئت تھی میرے آقا حضور اقدس ﷺ کی لنگی کی۔
ضورِ اقدس ﷺ کی لنگی کا ذکر
حذیفہ بن الیمان (رض) کہتے ہیں کہ حضور اکرم ﷺ نے میری پنڈلی کا یا اپنی پنڈلی کا حصہ پکڑ کر یہ فرمایا کہ یہ حد ہے لنگی کی اگر تجھے اس پر قناعت نہ ہو تو اس سے کچھ نیچی سہی اگر اس پر بھی قناعت نہ ہو تو لنگی کا ٹخنوں پر کوئی حق نہیں۔ لہذا ٹخنوں تک نہیں پہنچنا چاہیئے۔